Caiptín Ó Máille

Lyrics: Traditional

Mícheál and Tomás Ó Máille collected and published this song in 'Amhráin Chlainne Gael' in 1905. An Caiptín Seoirse Ó Máille was a pirate trader who worked the Connacht coastline in the early 19th. Century. He traded regularly with other European countries particularly France. He was a descendant of Gráinne Mhaol the legendary pirate queen. I first heard this gem of the sea from the late Darach Ó Catháin. Thanks to Michael O Grady.

An chéad lá den mhí is d'Fhómhar nuair a chrochamar na seolta
Ag tarraingt ar na cóstaí úd Tóin an Bhonnáin siar
Thart anseo le Cliara agus Acaill Bheag taobh thiar dhe
Go hInis Tuirc dhá dtrialladh bheadh aoireacht orainn ann.
Thart le Rinn A' Mhaoile agus síos chun Cruach na Caoile
An Cloigeann lena thaoibh sin is Trá Bhríde ina dhiaidh
Nó gur dhoirteamar le fána, trí fharraige is í ag cáthadh
Go ndeachamar don Ráithche mar is ann do bhí ár dtriall.

Ag síneadh dhúinn le hÁrainn ó do mhéadaigh orainn gála
Bhí cúrsaí istigh ar thráigh againn is níor thráth faillí é.
Agus dardaigh sé chun feothain is as sin chun gaoithe móire
Gur chrochamar na seolta is níor mhór dhúinn é in am.
An fharraige gur ghéim sí agus las na tonnta tréanna
Do chriothnaigh na spéartha agus mhéadaigh ar an gceo
Is dá mbeadh caint ag na clárthaibh nach ninseoidís scéal cráite
A ghoireacht is chuaigh an bás dhúinn is gan eadrainn ach iad.

Bhí criú na loinge ar aon chor ag dearcadh ar chlár m'éadain
Ag súil le cabhair a dhéanamh is gan aon mhaith dhóibh ann
Ach dúirt mé leo ar aon chor go ndéanfainn dóibh a bhféadfainn
Ag iompar a cuid éadaigh an fhad is b'fhéidir léithí snámh.
Ach tá mo dhá lámh stróicthe ó bheith go síoraí ag tarraingt rópaí
Tá an craiceann is an fheoil orthu éirithe amach ón gcnámh
Ach más é an bás a gheall Mac Dé dhúinn cé'n gar atá dhá shéanadh
Ach a dhul go Flaithis Dé dhúinn ar aon stáid amháin.

Ag filleadh dhúinn go hÉirinn bhí fíon is brandy is tae againn,
Tobac agus Siméice is gach aon tsórt dá raibh ann.
Bhí píosaí fada síoda agus scafanna dhá dhaoire
Cé bith cailín óg is mian liom is di shínfeas mé mo lámh.
Mo shoitheach bocht tá brúite ó earrainne go glúinibh
A cuid boltaí gur lúbadh agus cé an náir dhi é
Ach anois ó lag an feothan is go bhfuaireamar an chóir mhaith
Críochnóidh muid an tamhrán agus ólfaidh muid dram.